HOME
如無追述，本Wiki所有內容皆以CC BY-NC-SA 4.0證書發佈。
部份頁移轉到Wordpress。
簡單介紹如何安裝菊韻方案。
關於如何定製適合自己口音既方案
收錄部份小欖話特色辭彙。
小欖話以及沙田方言同廣州話主要異同，內容較爲複雜，需基本音韻學智識
本輸入法所採用之拼音標準。下爲現代音（附例字）。
可同脣化聲母結合之合口韻母已省畧。如「瓜」則視作「gw（聲母）aa（韻母）1（聲調）」而非「g（聲母）w（介音）aa（韻腹）1（聲調）」。
雖然講到中山話，多數人都會諗到石歧話，之但是分佈最廣泛、人口最爲之多既，其實係所謂沙田方言（《中山市誌》講法，亦包括蜑家話，《中山方言誌》則稱之爲「順德腔」），以中山北部爲主，方音近似順德（尤其北部），故出到去唔少人聞到都以爲係順德話。
 |
 |
|---|---|
| 圖一：中山方言地圖 | 圖二：中山方言分佈畧圖 |
圖一爲本人根據《中山市誌（2005年版）》所作之粗畧版方言地圖，粵語分爲五類：橙色爲沙田話（近順德話）、紅色爲三角話（近東莞話）、紫色爲古鎮話（近新會話）、紅色爲石歧話、金色則爲中山域外之順德話。綠色爲中山閩語，藍色爲客家話。顏色代表區域主要方言。（板芙鎮：粵語（沙田話）爲主，亦有少數客閩兩語分佈。南蓢鎮：閩語（南蓢話）爲主 ；三鄉鎮：閩語（三鄉話）爲主，亦有少數客粵兩語分佈；坦洲鎮：粵（沙田話）客兩語；神灣鎮：粵（沙田話）客兩語。張家邊鎮（東鄉）：即火炬區，除東莞話皆有。）
加筆：所謂沙田話，多爲文件資料上既講法，實際上無幾個人眞係聽過呢個講法。不過沙田話亦都係貼切既，因爲渠分佈既地方以前基本上眞係田基，經過多年發展先填起來既。
圖二摘自高然於2019年出版《中山方言誌》，將粵語分爲六類，並無將小欖話（同其周邊方言）、蜑家話歸爲一類。資料較中山市誌詳細許多。